Tuesday, January 18, 2011
Monday, January 17, 2011
Bíllinn
Bíllinn á ekki sjö dagana sæla. Endarörið á pústinu er að detta undan honum og hann er að verða jafn hávær og hann var um daginn þegar eitthvað annað hrundi undan honum. Langar smá að teipa það bara upp en held ég fari með hann á verkstæði í staðinn, það er líklegra skynsamlegra.
Ég elska bílavesen.
Annars keypti ég mér hjól í gær, það kostaði 50 dollara eða um 6þúsund krónur. Það er ekki frábært, held ég þurfi eitthvað að fikta í gírunum og bremsunum og svona, en nú get ég hjólað eins og vindurinn. Hver veit nema ég hendi bara bílnum á endanum og byrji að hjóla í staðinn...
Fyrir ykkur sem eruð með áhyggjur af öryggi mínu, þá keypti ég hjálm og plana að kaupa skærgult vesti svo ég sjáist á hlaupum og hjólum. Kaninn virðist þó ekki vera mikið fyrir endurskin, kannski ég fjárfesti í svoleiðis þegar ég kem heim í febrúar:)
Steinunn
Ég elska bílavesen.
Annars keypti ég mér hjól í gær, það kostaði 50 dollara eða um 6þúsund krónur. Það er ekki frábært, held ég þurfi eitthvað að fikta í gírunum og bremsunum og svona, en nú get ég hjólað eins og vindurinn. Hver veit nema ég hendi bara bílnum á endanum og byrji að hjóla í staðinn...
Fyrir ykkur sem eruð með áhyggjur af öryggi mínu, þá keypti ég hjálm og plana að kaupa skærgult vesti svo ég sjáist á hlaupum og hjólum. Kaninn virðist þó ekki vera mikið fyrir endurskin, kannski ég fjárfesti í svoleiðis þegar ég kem heim í febrúar:)
Steinunn
Monday, January 10, 2011
Desember í máli og myndum
Um miðjan desember kom Jóhanna í heimsókn. Við versluðum alveg helling (aðallega Jóhanna þó;)), röltum um, borðuðum góðan mat, forum í bíó og höfðum það notalegt.
![]() |
| Við fundum þennan glæsilega náttgalla í Target. |
| Allt verslið! |
| Jólatréð í miðborg Boston |
Svo fór Jóhanna heim og jólin komu í staðin. Ég var að vinna en við Laura sambýliskona höfðum það samt gott, borðuðum nachos, opnuðum pakka og skáluðum í náttfötunum. Daginn eftir fórum við til frænku hennar þar sem við fengum allskonar mat og fleiri pakka, það var gaman.
Á milli jóla og nýárs komu svo Brynhildur og Gulla. Við versluðum enn meira, horfðum á sjónvarpið, skemmtum okkur á mismunandi börum og borðuðum helling. Við gistum á lúxus hóteli inn í borginni sem var ofsa gott. Á áramótunum pöntuðum við borð á skemmtistað, borðuðum þar fína máltíð og svo var nýárspartý fram yfir miðnætti. Við kíktum svo á vísindasafnið annan dag janúar.
![]() |
| Við systur í áramótamat |
![]() |
| Laura, Steinunn og Gulla fagna áramótum |
Í byrjun febrúar kem ég heim og verð í 10 daga. Ég get ekki beðið eftir því!:)
Yfir og út.
Friday, December 24, 2010
Jólin
Hér er ég við jólatréð okkar Lauru. Takið eftir glæsilegu jólasokkunum á veggnum! Takk fyrir pakkana, ég ætla að opna þá í kvöld eftir vinnu:)
Á morgun fer ég til ættingja Lauru í mat og fleiri pakka, það verður vonandi gaman. Held það eigi að vera jólaskinka í matinn og mac and cheese sem meðlæti, ég hlakka mikið til að smakka það.
Gleðileg jól!!
Á morgun fer ég til ættingja Lauru í mat og fleiri pakka, það verður vonandi gaman. Held það eigi að vera jólaskinka í matinn og mac and cheese sem meðlæti, ég hlakka mikið til að smakka það.
Gleðileg jól!!
Friday, December 3, 2010
Tvífarar?
Wednesday, November 24, 2010
Besti vinurinn og annað fall ævinnar
Laura og ég fórum í súper Walmart á mánudaginn því hún þurfti að kaupa dekk undir bílinn sinn. Súper Walmart er riiiiisastór búð sem selur allt og er mjög ódýr. Það tók klukkutíma að setja dekkin undir bílinn svo við röltum um búðina á meðan. Ég sá nokkra hluti sem ég ætla að kaupa og var komin með saumavél í körfuna þegar við löbbuðum framhjá sjónvörpunum. Við áttuðum okkur á því að við gætum ekki lifað án nýs sjónvarps. Höfum verið að nota litla sjónvarpið hennar Lauru sem er minna en tölvan mín, eða tölvuna mína.
Við enduðum á því að kaupa 32" flatskjá fyrir litla 300 dollara. Hér er það:
(Frekar lélegar myndir, ég veit...). Sjónvarpið heitir Timmy og er besti nýji vinur okkar. Núna getum við legið uppi í rúmi og horft á sjónvarpið, allar 100 rásirnar, nú eða tengt tölvuna mína við það og horft á hluti sem við finnum á internetinu:) Gleði mikil.
Í gær átti ég bókaðan tíma í verklegu bílprófi. Ég tók skriflega prófið fyrir nokkrum vikum og rúllaði því upp og gerði ekki ráð fyrir að verklega prófið yrði erfitt. Ég er nú búin að vera keyrandi í 9 ár, og í 4 mánuði hérna í Massachusetts. Ég mætti stundvíslega klukkan 9 með Lauru, því ég þurfti að taka einhvern með mér sem er með amerískt ökuskírteini (afhverju veit ég ekki...). Mjög ókurteis kona skráði mig í prófið og sagði mér að bíða í bílnum mínum fyrir utan með hættuljósin á og einhver mundi koma og prófa mig. Innan skamms kom maður og bankaði á rúðuna mína. Hann spurði mig hvernig handa merkin væru. Ég vissi ekki einu sinni um hvað hann var að tala en giskaði svo. Ég giskaði vitlaust og féll. Fékk ekki einu sinni tækifæri til þess að keyra! Hann gaf mér svo lista yfir það sem ég þarf að kunna fyrir prófið sem hefði sannarlega verið hjálplegt fyrir tímann í gær.
Ég þakkaði fyrir og keyrði svo í burtu þrátt fyrir fallið, því ég er jú með bílpróf og má löglega keyra hérna! Bóka nýjan tíma sem fyrst til að ég geti fengið amerísk skilríki og hætt að taka vegabréfið mitt með mér hvert sem ég fer.
Þetta er annað fall ævi minnar, féll í íslensku 503 í MH. Vona að þau verði ekki fleiri!
Við enduðum á því að kaupa 32" flatskjá fyrir litla 300 dollara. Hér er það:
(Frekar lélegar myndir, ég veit...). Sjónvarpið heitir Timmy og er besti nýji vinur okkar. Núna getum við legið uppi í rúmi og horft á sjónvarpið, allar 100 rásirnar, nú eða tengt tölvuna mína við það og horft á hluti sem við finnum á internetinu:) Gleði mikil.
Í gær átti ég bókaðan tíma í verklegu bílprófi. Ég tók skriflega prófið fyrir nokkrum vikum og rúllaði því upp og gerði ekki ráð fyrir að verklega prófið yrði erfitt. Ég er nú búin að vera keyrandi í 9 ár, og í 4 mánuði hérna í Massachusetts. Ég mætti stundvíslega klukkan 9 með Lauru, því ég þurfti að taka einhvern með mér sem er með amerískt ökuskírteini (afhverju veit ég ekki...). Mjög ókurteis kona skráði mig í prófið og sagði mér að bíða í bílnum mínum fyrir utan með hættuljósin á og einhver mundi koma og prófa mig. Innan skamms kom maður og bankaði á rúðuna mína. Hann spurði mig hvernig handa merkin væru. Ég vissi ekki einu sinni um hvað hann var að tala en giskaði svo. Ég giskaði vitlaust og féll. Fékk ekki einu sinni tækifæri til þess að keyra! Hann gaf mér svo lista yfir það sem ég þarf að kunna fyrir prófið sem hefði sannarlega verið hjálplegt fyrir tímann í gær.
Ég þakkaði fyrir og keyrði svo í burtu þrátt fyrir fallið, því ég er jú með bílpróf og má löglega keyra hérna! Bóka nýjan tíma sem fyrst til að ég geti fengið amerísk skilríki og hætt að taka vegabréfið mitt með mér hvert sem ég fer.
Þetta er annað fall ævi minnar, féll í íslensku 503 í MH. Vona að þau verði ekki fleiri!
Tuesday, November 9, 2010
Halelúja!
Sundlaugar í Ameríku eru ekki með niðurföll á botninum! Það eru gleðifréttir því ég hræðist niðurföll nánast jafn mikið og ég hræðist engifer og býflugur. Þessi uppgötvun er stórkostleg, ég get stigið til botns án þess að eiga það á hættu að sogast ofan í ógeðslegar pípulagnir.
Spurningin er þó, hvernig tæma Kanarnir sundlaugarnar? Syndir maður bara í sama vatninu endalaust?
Spurningin er þó, hvernig tæma Kanarnir sundlaugarnar? Syndir maður bara í sama vatninu endalaust?
Subscribe to:
Posts (Atom)






